«Bavariya» Vensan Kompani qo‘l ostida Bundesligadagi 50-g‘alabasini qo‘lga kiritdi. Bayern & Germany nashrining xabar berishicha, belgiyalik murabbiyga ushbu marrani zabt etish uchun bor-yo‘g‘i 64 ta o‘yin kifoya qildi — bu turnir tarixidagi ikkinchi ko‘rsatkichdir.
Ushbu natijaga faqat Xosep Gvardiola tezroq erishgan — unga 50 ta g‘alaba uchun 61 ta bahs yetarli bo‘lgan edi. Ispaniyalik mutaxassis Myunxen grandini 2013 yildan 2016 yilgacha boshqargan. Vensan Kompani esa klubda 2024 yildan beri ishlab kelmoqda.
Yakshanba kuni «Bavariya» «Shtutgart» ustidan irodali g‘alabaga erishdi (4:2) va Bundesliga yakunlanishiga to‘rt tur qolganda chempionlikni naqd qildi. Kompanining klub bilan shartnomasi 2029 yil yozigacha mo‘ljallangan.
