Italiyaning «Milan» klubi germaniyalik hujumchi Niklas Fyullkrugning transferini to‘liq sotib olmaslikka qaror qildi.

Ma’lumotlarga ko‘ra, futbolchining «Milan»dagi ijara muddati kutilgan natijani bermadi. Fyullkrug jamoa safida atigi bitta gol urishga muvaffaq bo‘ldi xolos. Shu sababli, hujumchi yozda o‘zining haqiqiy klubi — Angliyaning «Vest Xem» jamoasiga qaytishi kutilmoqda.

Biroq, futbolchining Angliyadagi faoliyati uzoq davom etmasligi mumkin. Ayni paytda Germaniyaning «Volfsburg» klubi Fyullkrugga jiddiy qiziqish bildirmoqda. Hozirda Bundesligada jon saqlab qolish uchun kurashayotgan «bo‘rilar» hujum chizig‘ini kuchaytirish maqsadida tajribali hujumchini o‘z saflariga qo‘shib olmoqchi.

Ta’kidlash joizki, Germaniya chempionati Fyullkrug uchun yaxshi tanish bo‘lgan musobaqa hisoblanadi. U ilgari «Borussiya Dortmund» va «Verder Bremen» klublari safida muvaffaqiyatli to‘p surgan.