«Manchester Yunayted» klubi o‘z tarbiyalanuvchisi va jamoaning asosiy yarim himoyachilaridan biri Kobbi Maynu bilan yangi kelishuv borasida to‘liq kelishuvga erishdi. Bu haqda mashhur insayder Fabrisio Romano xabar bermoqda.
Yangi shartnoma 2031 yilning yoziga qadar amal qiladi. Shuningdek, 21 yoshli futbolchining jamoadagi muhim o‘rnini inobatga olib, uning maoshi ham sezilarli darajada oshiriladi. Manbaning ta’kidlashicha, Maynu yangi bitimga shu hafta ichida imzo chekishi mumkin. Rasmiy e’lon esa joriy mavsum yakunlangunga qadar amalga oshiriladi.
Kobbi Maynu Maykl Kerrik boshqaruvidagi «qizil iblislar»ning markaziy chizig‘ida barqaror o‘yin namoyish etmoqda. Joriy mavsumda ingliz yarim himoyachisi APL doirasida 24 ta uchrashuvda maydonga tushib, o‘z hisobiga ikkita golli uzatmani yozdirib qo‘ygan.
