Yaqinda «Milan» matbuot xizmati Luka Modrich yuz suyagi sinishi tufayli joriy mavsumda boshqa maydonga tusha olmasligi haqida rasman ma’lum qilgan edi. Shunga qaramay, markaziy yarim himoyachi chempionat yakuniga qadar safga qaytish niyatida.
La Gazzetta dello Sport nashrining xabar berishicha, xorvatiyalik futbolchi o‘tkazilgan operasiyadan bir hafta o‘tib «rossoneri» ixtiyoriga qaytadi. Modrich mashg‘ulotlarda ishtirok etishni va A Seriyaning so‘nggi turida «Kalyari»ga qarshi o‘yinda maydonga tushishni xohlamoqda. Ehtimol, 40 yoshli xavbekka o‘ynash uchun maxsus himoya niqobi kerak bo‘ladi.
Modrichning bunday qarori shu yozda bo‘lib o‘tadigan Jahon chempionati oldidan sport formasini saqlab qolish istagi bilan izohlanmoqda. Joriy mavsumda yarim himoyachi 36 ta o‘yinda ishtirok etib, o‘z hisobiga ikkita gol va uchta golli uzatmani yozdirib qo‘ydi.
