Myunxenning «Bavariya» klubi vaqtni ilgarilab ketmoqda — jamoa Chempionlar ligasi yarim finali doirasidagi «PSJ»ga qarshi javob o‘yinida kelasi mavsum uchun dizayn qilingan liboslarda maydonga tushishni rejalashtirgan. Bu haqda rasman e’lon qilindi. Ehtimol, Germaniya futboli gegemonini ekipirovka bilan ta’minlovchi Adidas kompaniyasi shu yo‘l bilan yoz davomida sotuvlardan ko‘proq daromad olishni ko‘zlayotgandir.

«Xarizma, ishonch va g‘oliblik mentaliteti — yangi libos dizayni aynan shu xususiyatlarni o‘zida mujassam etgan. To‘q qizil rang unga o‘ziga xos jilo berib, Yevropa futbolining eng kuchli jamiyatlari bilan bog‘liqlikni ifodalaydi», — deyiladi Adidas press-relizida.

Eslatib o‘tamiz, dastlabki uchrashuvda «Bavariya» 4:5 hisobida mag‘lubiyatga uchragan edi.