«Bavariya» vingeri Maykl Olise Chempionlar ligasi yarim finali doirasidagi «PSJ»ga qarshi javob bahsida (1:1) to‘pni nazorat qilish borasida eng yomon ko‘rsatkichlardan birini qayd etdi.

Ikki o‘yin natijasiga ko‘ra parijliklarga imkoniyatni boy bergan (4:5) myunxenliklar tarkibida Olise ikkinchi uchrashuv davomida 30 marta to‘pni raqibga topshirib qo‘ydi.

Bu joriy mavsumdagi Chempionlar ligasi uchun juda yuqori ko‘rsatkichdir. Mavsum davomida faqat bir nafar maydon futbolchisi bir o‘yinda bundan ko‘proq to‘p yo‘qotgan. Jelson Martinsh («Olimpiakos») — «Qayrat»ga qarshi o‘yinda (0:1) 31 marta to‘pni yo‘qotgan edi.

Bu statistik ma’lumot Olisening o‘yini kutilganidek chiqmaganini va «PSJ» himoyasi unga katta bosim o‘tkazganini anglatadi.