Germaniyalik yarim himoyachi Brayan Grudaning «RB Leypsig» klubidagi kelajagi yana noma’lum bo‘lib qolmoqda.

Bild nashrining xabar berishicha, klub mavsumning so‘nggi uy uchrashuviga rejalashtirilgan 21 yoshli futbolchi bilan xayrlashish marosimini oxirgi lahzada bekor qilgan. Dastlab «Leypsig» rahbariyati «Brayton»dan ijaraga olingan yarim himoyachi bilan xayrlashishga qaror qilgan edi, biroq muzokaralardan so‘ng rejalar o‘zgargan.

Klub rahbariyati Grudaning mavsumning ikkinchi yarmidagi o‘yinlaridan mamnun va chempionat yakunlanganidan so‘ng «Brayton» bilan muzokaralarni davom ettirmoqchi. Ingliz klubi futbolchini taxminan 30 million yevroga baholamoqda. Vaziyatning ehtimoliy yechimlaridan biri sifatida futbolchini keyinchalik sotib olish huquqi yoki majburiyati bilan qayta ijaraga olish varianti ko‘rib chiqilmoqda.

Ma’lumot uchun, Brayan Gruda joriy mavsumda nemis klubi safida 12 ta o‘yinda maydonga tushib, 3 ta gol va 3 ta golli uzatmaga mualliflik qildi. Iqtidorli futbolchi Germaniyaning asosiy terma jamoasidan tashqari barcha yoshdagi terma jamoalarida to‘p surgan.