«Yuventus» «Real» klubi bilan bir nechta futbolchi bo‘yicha keng ko‘lamli muzokara o‘tkazishni rejalashtirmoqda, deb xabar bermoqda Tuttosport nashri.
Turin klubi Braim Dias hamda «Kastilya» hujumchisi Gonsalo Garsiyani o‘z safiga qo‘shib olishga qiziqish bildirgan. Italiyaliklar 21 yoshli hujumchini Bernardu Silvaga muqobil variant sifatida ko‘rmoqda va Morata transferiga o‘xshash, qayta sotib olish huquqi bilan ijara sxemasini taklif qilishga tayyor.
Shuningdek, ehtimoliy bitim doirasida «Yuventus» «Real»ga turkiyalik iste’dod Kenan Yildizni sotib olish bo‘yicha ustuvor huquq berishga tayyor ekani aytilmoqda.
Bundan tashqari, turinliklar David Alabani ham qo‘lga kiritish ustida ish olib bormoqda. Avstriyalik himoyachining «Real» bilan shartnomasi yozda yakunlanadi va unga erkin agent maqomida rasmiy taklif ham yo‘llangani xabar qilinmoqda.













