«Atletiko» 2026/27 yilgi mavsum uchun yangi safar libosini taqdim etdi.
Ushbu to‘plam Nike kompaniyasi tomonidan ishlab chiqilgan bo‘lib, sariq-yashil elementlarga ega qora rangda ishlangan.
«Asosiy rang sifatida qora rangning tanlanishi an’anaviy qoidalardan chekinish bo‘lib, «Atletiko»ning yanada dadilroq tomonini ko‘rsatib beradi. Libosning asosiy elementlarida mavjud bo‘lgan Volt (yorqin sariq-yashil) rangidagi detallar jamoaning eng yaxshi lahzalariga hamrohlik qiluvchi hayajon, drayv va g‘alaba quvonchi bilan bog‘liq bo‘lgan vizual energiyani taqdim etadi», – deyiladi klub matbuot xizmati xabarida.
«Atletiko» ushbu libosda ilk bor 24 may kuni — La Liganing 38-turi doirasida «Vilyarreal»ga qarshi kechadigan safar o‘yinida maydonga tushadi.
