«Sautgempton» futbolchilari josus(lik) mojarosi sababli klubning Chempionship pley-off bosqichidan chetlashtirilgani fonida rahbariyatdan norozi bo‘lishmoqda.
The Athletic nashrining xabar berishicha, futbolchilarning aksariyati bu voqeadan mutlaqo uzoq bo‘lishgan va rahbariyatdan faqatgina umumiy (bazaviy) ma’lumot olishgan. Angliya futbol ligasining (EFL) bunday keskin qarori haqida ular hamma qatori bir vaqtda xabar topishgan va bundan qattiq g‘azabga kelishgan.
Endilikda futbolchilar, agar EFL apellyasiyadan keyin ham o‘z qarorini kuchida qoldirsa, klub ustidan sudga da’vo arizasi kiritish imkoniyatlarini o‘rganishmoqda. Ularning «Sautgempton» rahbariyati bilan uchrashuvi chorshanba kuni bo‘lib o‘tadi. Futbolchilar allaqachon maslahat so‘rab kasaba uyushmasiga murojaat qilishgan.
Qayd etilishicha, o‘tgan mavsumda APLdan tushib ketganidan so‘ng maoshlarining 40 foizga qisqartirilishiga rozi bo‘lgan futbolchilar, agar Premyer-ligaga qaytishganida, yana avvalgi hajmda maosh olishni boshlashlari kerak edi.
