«Manchester Yunayted» yarim himoyachisi Manuel Ugarte yozgi transfer oynasida klubda qolishi mumkin. 25 yoshli urugvaylik futbolchi jamoa bosh murabbiyi Maykl Kerrikning ishonchiga to‘liq kira olmayapti va o‘yin amaliyoti borasida muammolarga duch kelmoqda.

Jurnalist Samuel Lakxyorstning xabar berishicha, mankunianliklar rahbariyati futbolchini sotishga urinib ko‘rdi, biroq xaridorlar tomonidan qiziqish juda past ekanligi ma’lum bo‘ldi. Shu sababli, yaqinlashib kelayotgan transfer oynasida xavbekning jamoada qolish ehtimoli katta.

Ma’lumot uchun, Ugarte yakunlangan mavsumda «qizil iblislar» safida 24 ta o‘yinda maydonga tushgan. Uning klub bilan amaldagi shartnomasi 2029 yilga qadar mo‘ljallangan bo‘lib, Transfermarkt portali futbolchini 30 million yevroga baholamoqda.