Braziliyalik istiqbolli murabbiy Filipe Luis tez orada «Monako»ni boshqaradi. Insayder Fabrisio Romanoning eksklyuziv hisobotiga ko‘ra, monegasklar 40 yoshli mutaxassis bilan kelishuvga erishgan.

Liga 1 vakili «Flamengo»ning sobiq ustozi uchun kurashda bir qator boshqa da’vogarlardan ustun keldi. Madridning «Atletiko» klubi va Braziliya terma jamoasining sobiq himoyachisi «qizil-oqlar» bilan 2028 yilning o‘rtalariga qadar mo‘ljallangan shartnomani imzolashga rozi bo‘ldi.

Filipe Luis mart oyi boshida «Flamengo»dagi lavozimini tark etgan edi. Ma’lumotlarga ko‘ra, ushbu ketishga murabbiyning «Chelsi» bilan yashirin muzokaralar olib borgani sabab bo‘lgan.

Eslatib o‘tamiz, «Monako» Fransiya chempionatining yakunlangan mavsumini yettinchi o‘rinda yakunladi.