«Real» yarim himoyachisi Braim Dias faoliyatini yana A Seriyada davom ettirishi mumkin. La Stampa nashri tarqatgan xabarga ko‘ra, marokashlik futbolchiga «Yuventus» jiddiy qiziqish bildirmoqda.

Turin klubi futbolchining atrofidagilar bilan bog‘langan va ular «Yuventus» taklifini ko‘rib chiqishga rozilik berishgan. Diasning «Real»dagi kelajagi hozircha so‘roq ostida turibdi. Buning asosiy sababi — «qirollik klubi» boshqaruvini qo‘lga olishi kutilayotgan Joze Mourinyoning rejalariga yarim himoyachi kirishi yoki kirmasligi noma’lumligidir.

Braim Dias 2019 yilda «Manchester Siti»dan 17 million yevro evaziga Madrid klubiga o‘tgan edi. Uning amaldagi shartnomasi 2027 yilning 30 iyuniga qadar davom etadi. 2025/26 yilgi mavsumda futbolchi «Real» safida barcha turnirlarda 42 ta o‘yinda qatnashib, 2 ta gol urdi va 9 ta golli uzatmani amalga oshirdi.