«Tottenxem Xotspur» meksikalik hujumchi Santyago Ximenesni xarid qilishga qiziqish bildirmoqda. Bu haqda «TUDN» xabar bermoqda.
25 yoshli forvard 2026 yilgi Jahon chempionatidan so‘ng klubni tark etishi mumkin. Italiya klubida Ximenes deyarli o‘yin amaliyotiga ega bo‘lmayapti va o‘z faoliyatini yana to‘g‘ri yo‘nalishga solishni juda xohlamoqda. Uning «Milan»dagi hozirgi formasini inobatga olsak, u «shporlar»ga nisbatan arzonroqqa tushishi mumkin. Futbolchining bozor qiymati 18 million yevroni tashkil qiladi.
Ximenes avvalroq «Feyenoord» safida yorqin o‘yin ko‘rsatib, 105 ta uchrashuvda 65 ta gol urgan edi. «Milan» tarkibida esa meksikalik futbolchi 37 ta o‘yinda 7 ta gol va 6 ta golli uzatmaga mualliflik qilgan (joriy mavsumda 18 ta o‘yin, 1 ta gol va 3 ta golli uzatma).
