«Komo» o‘z tarixida ilk bor Chempionlar ligasiga yo‘llanma oldi. Sesk Fabregas jamoasi A Seriya turnir jadvalida to‘rtinchi o‘rinni egalladi.
The Touchline nashrining xabar berishicha, UEFA «Komo»ning uy stadioni standartlarga javob bermasligini tasdiqlagan. Shu sababli jamoa qit’aning eng nufuzli turnirida o‘z arenasida o‘ynay olmaydi. «Komo» Chempionlar ligasidagi uy uchrashuvlarini «Sassuolo» stadionida o‘tkazishiga to‘g‘ri keladi.
«Komo» odatda raqiblarini «Juzeppe Sinigalya» stadionida qabul qiladi. U Komo ko‘li yaqinida joylashgan va havodan olingan kadrlar o‘zining go‘zalligi bilan hayratda qoldiradi. Biroq, go‘zal manzara stadionning UEFA talablariga muvofiqligini anglatmaydi.
