«PSJ» hujumchisi Usmon Dembele Chempionlar ligasi 2025/2026 yilgi mavsum finali doirasidagi «Arsenal»ga qarshi o‘yin oldidan bosh murabbiy Luis Enrike haqida fikr bildirdi. Uchrashuv 30 may kuni Budapeshtdagi «Pushkash Arena» stadionida bo‘lib o‘tadi.
«Menimcha, Luis Enrike men ishlagan eng yaxshi murabbiylardan biri. U to‘p bilan va to‘psiz harakat qilishda o‘yinimni yaxshilashga katta yordam berdi. U menga taktik g‘oyalar beradi, men esa ularni maydonda amalga oshirishga harakat qilaman. Inson ulg‘aygani sari uning zimmasidagi mas’uliyat ham ortib boradi. Shuningdek, yonimda ajoyib sheriklarim bor», — dedi Dembele.
