Yakunlangan mavsumdagi muvaffaqiyatsizlikdan so‘ng «keksa sinyora» A Seriyada oltinchi o‘rinni egallab, Chempionlar ligasidan quruq qoldi. «Yuventus» tarkibni kuchaytirish rejalarini tuzmoqda.
Tuttomercatoweb nashrining xabariga ko‘ra, hozirda klub rahbariyati uchun Italiya chempionatida tajribaga ega bo‘lgan ikki futbolchi asosiy maqsad bo‘lib turibdi:
-
Kim Min Chje: «Bavariya»dagi turlicha baholanayotgan mavsumdan so‘ng, koreyalik himoyachi «Napoli»da birga ishlagan ustozi Luchano Spalletti bilan yana qayta birlashishi mumkin. Agar jamoani Gleyson Bremer tark etsa, Kimning transfer qilinish ehtimoli yanada ortadi.
-
Braim Dias: Ikkinchi maqsad — 2020–2023 yillarda «Milan»da ijara asosida to‘p tepgan marokashlik futbolchi. Biroq, ushbu transferning amalga oshishi biroz qiyinroq baholanmoqda, chunki Diasning shartnomasini «Real»dan sotib olish uchun ancha katta mablag‘ talab etiladi.
Eslatib o‘tamiz, «Yuventus» kelgusi mavsumda Yevropa Ligasida ishtirok etadi.
