Fransiyaning «PSJ» klubi yarim himoyachisi Vitinya Chempionlar ligasining hal qiluvchi o‘yini yakunlarini sarhisob qildi. Luis Enrike shogirdlari Londonning «Arsenal» jamoasini penaltilar seriyasida (1:1, 4:3) mag‘lub etishdi.

«Men juda baxtliman — nafaqat g‘alaba qozonganimiz uchun, balki bizda mavjud bo‘lgan jamoa, zaxiradan tushib hal qiluvchi penaltilarni golga aylantirgan futbolchilar uchun ham. Bu ajoyib. Murabbiy, prezident, sport direktori — o‘ylaymanki, biz bunga hatto 11 metrlik zarbalar ijro etilgunga qadar ham loyiq edik», — deya futbolchining so‘zlarini keltiradi L’Equipe nashri.

«Penaltilar seriyasi vaqtida ancha hayajonlandik, lekin hozir haqiqatan ham baxtiyormiz. Bu jamoaning siri nimada? Biz kamtarmiz, bir-birimiz uchun kurashib, borimizni beramiz. Hamma himoyalanadi, hamma hujum qiladi, biz bu jamoada o‘ynashdan zavq olamiz. Umid qilamanki, bu holat davom etadi», — deya qo‘shimcha qildi Vitinya.

Ta’kidlash joizki, Vitinya UEFA talqiniga ko‘ra uchrashuvning eng yaxshi futbolchisi deb topildi.