39 yoshli fransiyalik markaziy hujumchi Olivye Jiru futbolchilik faoliyatini yakunlash haqida o‘ylamayapti. Lequipe jurnalistlarining xabar berishicha, hujumchi «Lill» bilan yangi mehnat shartnomasi bo‘yicha kelishuvga yaqin turibdi.
Tomonlar hamkorlikni kelasi mavsum oxirigacha uzaytirishadi. O‘tgan mavsumda Jiru «Lill» safida 44 ta o‘yinda maydonga tushdi. Tajribali to‘purar 11 ta gol urdi va bitta golli uzatmani amalga oshirdi.
Liga 1 yakunlariga ko‘ra, «itlar» 61 ochko bilan turnir jadvalida uchinchi o‘rinni egalladi. Jamoa kelasi mavsum uchun UEFA Chempionlar ligasi yo‘llanmasini qo‘lga kiritdi.
