«Nyukasl» «Manchester Yunayted» va «Bavariya» tomonidan bildirilayotgan jiddiy qiziqishlarga qaramay, 21 yoshli chap qanot himoyachisi Lyuis Xollni jamoada olib qolmoqchi. Bu haqda SportsView xabar bermoqda.

Xoll «qizil iblislar»ning yozgi transfer oynasidagi ustuvor nishonlaridan biriga aylangan, biroq «Nyukasl» rahbariyati ingliz futbolchisini uzoq muddatli loyihaning muhim qismi deb hisoblaydi va uni sotishni rejalashtirmayapti.

«Manchester Yunayted» himoyachi uchun taxminan 57 million yevro taklif qilishga tayyor edi, ammo bosh murabbiy Eddi Xau Xollni (shuningdek, Tino Livramentoni ham) kelajakda uzoq yillar davomida «Sent-Jeyms Park»da ko‘rishni istashini ochiqchasiga ma’lum qildi. Lyuis Xollning «qarg‘alar» bilan amaldagi shartnomasi yana 3 mavsumga mo‘ljallangan.