«Liverpul» klubining yangi bosh murabbiyi Andoni Iraola o‘zining o‘yin uslubi haqida to‘xtalib o‘tdi. «Qizillar» payshanba kuni ispaniyalik mutaxassis tayinlanganini e’lon qilishgan edi. Bunga qadar murabbiy «Bornmut»da muvaffaqiyatli faoliyat olib borgan.

«Mening ustunligim shundaki, men Premyer-ligada allaqachon uch yil davomida ishladim va odamlar mening «Bornmut»im qanday o‘ynaganini yaxshi bilishadi. To‘g‘ri, «Liverpul»da ayrim narsalar o‘zgaradi, lekin men jamoa o‘zligini — ya’ni intensivlik, agressivlik va tashkilotchilikni yo‘qotishini istamayman. Tarkibdagi futbolchilarning sifatiga moslasha olish juda muhim, shu sababli turli jamoalarda mutlaqo bir xil futbol namoyish etib bo‘lmaydi. Biroq shunday o‘zgarmas detallar borki, ular «Liverpul» qadriyatlariga a’lo darajada mos keladi deb o‘ylayman. Menimcha, bu o‘z samarasini berishi kerak», — deya ingliz OAVlari Iraolaning so‘zlarini keltirmoqda.

Eslatib o‘tamiz, may oyining oxirida mersisaydliklar ustozi Arne Slot o‘z lavozimidan bo‘shatilgan edi.