Hujumchi Aleksander Syorlot yozgi transfer oynasida Madridning «Atletiko» klubini tark etadi. Bu haqda taniqli jurnalist Massimo Moretto ma’lum qildi.
Manbaning bergan ma’lumotlariga ko‘ra, norvegiyalik forvardga Angliyaning «Everton» klubi jiddiy qiziqish bildirmoqda, biroq futbolchining o‘zi Ispaniya yoki Italiyaning top-klublaridan biriga o‘tishni afzal ko‘rmoqda. Madrid klubi o‘z hujumchisini 30 million yevroga baholamoqda. Avvalroq, Syorlotga Turinning «Yuventus» klubi ham qiziqayotgani haqida xabarlar tarqalgan edi.
Shu bilan bir vaqtda, «Atletiko» yarim himoyachi Niko Gonsalesni jamoada saqlab qolishni juda ham xohlamoqda. Bosh murabbiy Diyego Simeone futbolchining iqtidorini yuqori baholaydi va tomonlar allaqachon yangi shartnoma borasida kelishuvga erishishga yaqin turishibdi.
