«Bayer» himoyachisi Alexandro Grimaldo shu yozda Ispaniya La Ligasiga ko‘chib o‘tishi mumkin.

Taniqli jurnalist Matteo Morettoning xabar berishicha, 30 yoshli futbolchiga Madridning «Atletiko» va Kataloniyaning «Barselona» klublari qiziqish bildirmoqda. Shu bilan birga, o‘yinchining o‘zi ham vatanida to‘p tepish istagini yashirmayapti.

Ma’lum qilinishicha, Leverkuzen klubi himoyachini sotish variantlarini ko‘rib chiqishga tayyor. Ehtimoliy transfer summasi taxminan 10 million yevroni tashkil qilishi mumkin. Ayni damda tomonlar o‘rtasida hali rasmiy va aniq muzokaralar boshlangani yo‘q.

Eslatib o‘tamiz, futbolchi ilgari «Barselona»ning ikkinchi jamoasida (Barselona B) faoliyat yuritgan bo‘lib, u yerda 90 dan ortiq uchrashuvda maydonga tushgan.