Braziliya terma jamoasi bosh murabbiyi Karlo Anchelotti yaqinda Marokashga qarshi bo‘lib o‘tgan o‘yindagi durang natija haqida fikr bildirdi.
Guruh bosqichining 1-turi doirasida bo‘lib o‘tgan ushbu jamoalar uchrashuvi 1:1 hisobidagi durang bilan yakunlandi. O‘yinda gollarga Ismael Saybari va Vinisius Junior mualliflik qilishdi.
«Kecha biz Jahon chempionatidagi ilk qadamimizni tashladik. Braziliya sharafini himoya qilayotganimizdan mamnunmiz va faxrlanamiz. Bu faqat boshlanishi. Mehnat qilishda davom etamiz va navbatdagi o‘yinlarni intizorlik bilan kutamiz», — deb yozib qoldirdi Anchelotti o‘zining ijtimoiy tarmoqlardagi sahifasida.
«Pentakampeonlar» (besh karra jahon chempionlari) 2-tur doirasida 20 iyun kuni Gaitiga qarshi maydonga tushadilar, 25 iyunda esa guruh bosqichining so‘nggi o‘yinida Shotlandiya bilan kuch sinashadilar.
