Fransiya terma jamoasi ustozi Didye Desham JCH-2026 guruh bosqichi doirasida Senegal milliy jamoasiga qarshi kechgan bahsda hujumchi Kilian Mbappening ko‘rsatgan o‘yiniga baho berdi. «Uchranglilar» 3:1 hisobida g‘alaba qozonishdi, hujumchi esa o‘z hisobiga dubl yozib qo‘ydi.
«Kilian menga o‘rtoqlik o‘yinlarida gol urishni istamasligini aytgandi. U Jahon chempionatida gol urishni xohlaydi, bu u uchun juda katta ahamiyatga ega», — deya mutaxassisning so‘zlarini keltiradi «BeFootball» nashri.
Ushbu dublidan so‘ng Mbappe Fransiya milliy terma jamoasi tarixidagi eng yaxshi to‘purarga aylandi. Hujumchi hisobida 99 ta o‘yinda kiritilgan 58 ta gol mavjud.
Desham shogirdlari turnirdagi navbatdagi uchrashuvni 23 iyun kuni Iroq terma jamoasiga qarshi o‘tkazishadi.













