Braziliya terma jamoasi futbolchisi Neymar Vinisius Juniorning Jahon chempionatidagi muvaffaqiyatlari haqida nima deb o‘ylashini aytib o‘tdi.
Madridning "Real" klubi vingeri JCH-2026 guruh bosqichining uchinchi turidan o‘rin olgan Shotlandiyaga qarshi bahsda (3:0) dubl qayd etdi. 25 yoshli futbolchi turnirning uchta uchrashuvida jami to‘rtta gol va bitta golli uzatmani o‘z hisobiga yozdirib qo‘yishga ulgurdi.
"Vinisius – bizning yulduzimiz. U uchrashuvlar taqdirini bir o‘zi hal qila oladi", – deya Neymar o‘yindan keyingi matbuot anjumanida jamoadoshi haqidagi fikrlari bilan o‘rtoqlashdi.
Neymarning o‘zi Shotlandiya bilan o‘yinning ikkinchi bo‘limida zaxiradan maydonga tushib, joriy mundialdagi debyutini nishonladi.
Braziliya yetti ochko jamg‘arib, "C" kvartetida birinchi o‘rinni egalladi.













