Kanada terma jamoasi chap qanot himoyachisi Alfonso Devis JCH-2026 1/8 finali doirasidagi Marokashga qarshi o‘yinda nega maydonga tushmagani sababini aytdi.
Kanadaliklar 0:3 hisobida mag‘lub bo‘lib, o‘z uylarida o‘tayotgan mundialdagi ishtiroklarini yakunlashdi. «Bavariya» vakili butun o‘yinni zaxira o‘rindig‘ida o‘tkazdi.
«Mashg‘ulot paytida noqulaylik his qildim. Murabbiy mendan 100 foiz tayyor yoki tayyor emasligimni so‘radi, men esa yo‘q deb rostgo‘ylik bilan javob berdim. Men jamoaga yuk bo‘lishni, maydonga ideal bo‘lmagan holatda tushishni xohlamadim. Bunday jarohat bilan tavakkal qilib bo‘lmasdi», — dedi 25 yoshli futbolchi OneSoccer nashriga bergan intervyusida.
Alfonso Devis butun turnir davomida atigi 15 daqiqa harakat qildi — u 1/16 final bosqichidan o‘rin olgan Janubiy Afrika Respublikasiga (JAR) qarshi uchrashuvda zaxiradan maydonga tushgan edi.
