Himoyachi Federiko Gatti shu yozda «Yuventus»ni tark etishi mumkin.

Insayder Nikolo Skiraning bergan ma’lumotlariga ko‘ra, Turin klubi futbolchini sotishga tayyor. Ushbu o‘yinchini o‘z safiga qo‘shib olishga «Napoli» qiziqish bildirmoqda va Neapol klubi yaqin vaqt ichida himoyachining transferi bo‘yicha taklif yuborishga shay turibdi.

Federiko Gatti 2022 yilda «Frozinone»dan «Yuventus»ga 9 million yevro evaziga o‘tgan edi. Uning turinliklar bilan shartnomasi 2030 yilning 30 iyuniga qadar mo‘ljallangan. 2025/26 yilgi mavsumda himoyachi klub miqyosida barcha turnirlarda 28 ta o‘yinda maydonga tushib, 4 ta gol urishga muvaffaq bo‘ldi. Transfermarkt portali futbolchining transfer qiymatini 14 million yevroga baholamoqda.