Fransiya terma jamoasi safida Jahon (1998) va Yevropa (2000) chempioni bo‘lgan Tyerri Anri hujumchi Neymarning JCH-2026dan so‘ng Braziliya milliy terma jamoasidagi faoliyatini yakunlagani haqida o‘z fikrlarini bildirdi.
«Men uning qanday o‘ynashini ko‘rish uchun o‘zim pul to‘lagan bo‘lardim. U butun dunyoni futbolga oshiq qila oldi. Har bir bola Neymar bo‘lishni orzu qilardi. Men Jahon chempionati yoki uning faoliyati qanday yakun topgani haqida gapirishni istamayman. Men uning futbolga nima bergani haqida gapirmoqchiman. Neymar buyuk futbolchi edi va afsona bo‘lib qoladi. Bizga taqdim etgan barcha go‘zal lahzalaring uchun rahmat», — deya Anrining so‘zlarini keltiradi The Touchline nashri.
Eslatib o‘tamiz, Braziliya terma jamoasi JCH-2026dagi ishtirokini 1/8 finalda Norvegiyadan uchralgan mag‘lubiyatdan (1:2) so‘ng yakunladi. O‘sha kuni Neymar ushbu bahs uning milliy jamoa libosidagi so‘nggi o‘yini bo‘lganiga sha’ma qilib o‘tgan edi.
