Fransiya terma jamoasi yarim himoyachisi Adriyen Rabyo Ispaniyaga qarshi bo‘lib o‘tadigan yarim final o‘yiniga tayyorgarlik haqida gapirib o‘tdi. Uning so‘zlariga ko‘ra, jamoa «qizil furiya»ning asosiy xavfi hisoblangan «Barselona» hujumchisi Lamin Yamalga e’tibor qaratmayapti. Rabyo Yamalga qarshi alohida reja tuzilmaganini ta’kidladi.
«Lamin Yamalga qarshi hech qanday alohida rejamiz yo‘q. Biz birgina o‘yinchiga emas, balki Ispaniya terma jamoasiga e’tibor qaratganmiz. Biz ularning barcha jabhada xavfli ekanini bilamiz... Biz diqqatlimiz, bu o‘yinga juda yaxshi tayyorgarlik ko‘ramiz va o‘z yo‘limizga ishonamiz. Biz o‘z kuchimizga ishonishimiz kerak», — dedi Rabyo.
Fransiya jahon chempionati yarim finalida Ispaniya bilan kuch sinashadi. O‘yin bugun, 14 iyul kuni bo‘lib o‘tadi.
