«Milan»ning qanot hujumchisi Kristian Pulishich faoliyatini Turkiya chempionatida davom ettirishi mumkin. Bu haqda Tuttomercato xabar bermoqda.

Manba bergan ma’lumotlarga ko‘ra, AQSH milliy terma jamoasi futbolchisi yozgi mavsumlararo tanaffusda hujum chizig‘ini kuchaytirishni maqsad qilgan «Galatasaray»ning transfer nishoniga aylangan. «Milan» esa Pulishich bilan xayrlashmoqchi emas — klub rahbariyati, jumladan, egasi Jerri Kardinale forvardni jamoa yetakchilaridan biri sifatida ko‘rmoqda.

O‘tgan mavsumda 27 yoshli amerikalik futbolchi «rossoneri» safida barcha turnirlarda 34 ta o‘yinda maydonga tushib, o‘z hisobiga 10 ta gol va 4 ta mahsuldor uzatmani yozib qo‘ydi. Pulishichning klub bilan amaldagi mehnat shartnomasi kelasi yozda o‘z nihoyasiga yetadi.