Hujumchi Rafael Leau shu yozda «Milan»ni tark etishi mumkin.
Jurnalist Yag‘iz Sabunjuog‘luning ma’lumotlariga ko‘ra, «rossoneri» portugaliyalik futbolchining ketishi bo‘yicha turli variantlarni ko‘rib chiqishga tayyor. Milan klubi forvardni keyinchalik sotib olish majburiyati bilan ijaraga berishga yoki uni 50 million yevroga sotishga rozi.
Rafael Leau 2019 yilda «Lill»dan «Milan»ga 49 million yevro evaziga o‘tgan edi. Uning amaldagi shartnomasi 2028 yilning 30 iyunigacha mo‘ljallangan. 2025/26 yilgi mavsumda portugaliyalik futbolchi «rossoneri» safida barcha musobaqalarda 31 ta o‘yinda maydonga tushib, 10 ta gol urdi va 3 ta golli uzatmaga mualliflik qildi. Transfermarkt portali Leauning transfer qiymatini 65 million yevroga baholamoqda.
