Ҳужумчи Рафаэл Леау шу ёзда «Милан»ни тарк этиши мумкин.

Журналист Яғиз Сабунжуоғлунинг маълумотларига кўра, «россонери» португалиялик футболчининг кетиши бўйича турли вариантларни кўриб чиқишга тайёр. Милан клуби форвардни кейинчалик сотиб олиш мажбурияти билан ижарага беришга ёки уни 50 миллион еврога сотишга рози.

Рафаэл Леау 2019 йилда «Лилль»дан «Милан»га 49 миллион евро эвазига ўтган эди. Унинг амалдаги шартномаси 2028 йилнинг 30 июнигача мўлжалланган. 2025/26 йилги мавсумда португалиялик футболчи «россонери» сафида барча мусобақаларда 31 та ўйинда майдонга тушиб, 10 та гол урди ва 3 та голли узатмага муаллифлик қилди. Transfermarkt портали Леаунинг трансфер қийматини 65 миллион еврога баҳоламоқда.