«PSJ» Qozog‘istonda futbol akademiyasi ochilganini e’lon qildi. Parij klubining akademiyasi Astana shahrida faoliyat yuritadi – 2026 yilning sentyabr oyida u yerda 6 yoshdan 14 yoshgacha bo‘lgan 300 nafargacha bola ta’lim olishni boshlashi mumkin.
Shu tariqa, Qozog‘iston «PSJ» akademiyalarining global tarmog‘idagi 24-mamlakatga aylandi. Kelajakda mamlakatning boshqa shaharlarida ham filiallar ochish rejalashtirilgan.
«Hozirda butun Qozog‘iston bo‘ylab bolalarning futbolda yanada faol ishtirok etishi va sport infratuzilmasiga investisiyalarning ortishi tufayli futbol sezilarli darajada rivojlanmoqda. Qozog‘istonda «PSJ» akademiyasining ochilishi ushbu ijobiy o‘sishni aks ettiradi hamda mahalliy o‘yinchilarga dunyodagi eng tan olingan futbolni rivojlantirish dasturlaridan biridan foydalanish imkoniyatini berish orqali bolalar va o‘smirlar futbolining uzoq muddatli rivojiga hissa qo‘shishga qaratilgan», – deyiladi «PSJ» bayonotida.
