«Atletiko» «Tottenxem» himoyachisi Kristian Romeroni o‘z safiga qo‘shib olmoqchi.

Marca ma’lumotiga ko‘ra, Ispaniya klubi taxminan 30 million yevro miqdoridagi ilk rasmiy taklifni tayyorlamoqda. Bu o‘rinda «Tottenxem» 28 yoshli argentinalik futbolchi uchun 40 million yevro atrofida mablag‘ olishni rejalashtirmoqda. Qayd etilishicha, Romero uchun kurashda «Atletiko»ning asosiy raqobatchisi «Inter» bo‘lib, u londonliklarga allaqachon 35 million yevro hamda bonuslar ko‘rinishida yana 5 million yevro taklif qilgan.

Biroq futbolchining o‘zi Diyego Simeone jamoasiga o‘tishni afzal ko‘rmoqda. Ma’lum qilinishicha, «Atletiko» argentinalik himoyachi transferiga mablag‘ bo‘shatish uchun Matteo Rujeri va Nauel Molina sotilganidan so‘ng muzokaralarni tezlashtirishga umid qilmoqda.