Madridning «Atletiko» klubi vingeri Tyago Almada klubini o‘zgartirish arafasida turibdi.
Argentina terma jamoasining 25 yoshli futbolchisi vataniga qaytishga yaqin: «River Pleyt» transferni 22 million yevroga yaqin summa evaziga yakunlamoqda, xabar beradi Atletico Universe argentinalik jurnalistlarga tayanib. Tomonlarga bitimning so‘nggi tafsilotlarini kelishib olish qoldi, xolos. Transfer yakshanba kunigacha rasmiylashtirilishi kutilmoqda.
Tyago Almada o‘tgan yilning yozida Braziliyaning «Botafogo» klubidan «matraschilar» lageriga ko‘chib o‘tgan edi. Diyego Simeone jamoasi safida futbolchi jami 40 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
