Madridning «Atletiko» klubi himoyachisi Matteo Rudjeri faoliyatini Angliya Premyer-ligasida davom ettirishga juda yaqin turibdi. Jurnalist va insayder Nikolo Skiraning xabar berishicha, 24 yoshli italiyalik futbolchi Birmingemning «Aston Villa» klubi bilan 2031 yilning yozigacha mo‘ljallangan shaxsiy shartnoma shartlari bo‘yicha to‘liq kelishib olgan.
Futbolchiga A Seriyaning bir nechta grand klublari tomonidan qiziqish bo‘lganiga qaramay, Angliya klubi kurashda barcha raqiblarini ortda qoldirdi.
Klublar o‘rtasidagi kelishuvga ko‘ra, «Aston Villa» Rudjerining transferi uchun kafolatlangan 18 million yevro va qo‘shimcha 6 million yevro bonus (umumiy qiymati 24 million yevro) to‘lab beradi.
Madridliklar tarkibidagi ilk mavsumida Rujeri barcha turnirlarda 47 ta o‘yinda maydonga tushib, 7 ta golli uzatmaga mualliflik qilgan edi.
