Angliya Futbol assosiasiyasi (FA) «Arsenal» akademiyasining sobiq o‘yinchisi Billi Vigarning o‘limi sababli o‘tkazilgan xavfsizlik tekshiruvidan so‘ng futbol maydonlari perimetri bo‘ylab yaxlit to‘siqlardan foydalanishni taqiqladi.
21 yoshli futbolchi 2025 yilning sentyabr oyida Angliyaning 7-divizionida «Chichester Siti» jamoasi tarkibidagi o‘yin vaqtida olgan og‘ir bosh miya jarohatidan so‘ng vafot etgan edi. Jarohat maydon yaqinida joylashgan beton devor bilan to‘qnashuv oqibatida olingan deb taxmin qilinmoqda.
Tekshiruv yakunlariga ko‘ra, Angliya Milliy ligasi (beshinchi divizion va undan quyi) hamda Ayollar milliy ligasi (3- va 4-divizionlar) klublari stadionlarida futbol maydonlari atrofidagi yaxlit g‘ishtli, shlakoblokli va betonli to‘siqlarga bundan buyon yo‘l qo‘yilmasligi haqida qaror qabul qilindi.
