O‘zbekiston Superligasining 18-turidan o‘rin olgan "Buxoro" — "Neftchi" uchrashuvining statistik ko‘rsatkichlari e’lon qilindi. Bahs mezbonlarning 4:1 hisobidagi yirik g‘alabasi bilan yakunlangandi.

Statistikaga ko‘ra, "Neftchi" to‘p nazoratida katta ustunlikka ega bo‘lgan — 66 foizga 34 foiz. Farg‘onaliklar raqib darvozasi tomon 11 ta zarba yo‘llab, ularning 3 tasini aniq amalga oshirgan. "Buxoro" esa 8 ta zarbadan 4 tasini darvoza nishonga to‘g‘ri yo‘llagan.

Kutilgan gollar (xG) ko‘rsatkichida ham jamoalar o‘rtasida katta farq kuzatilmadi: "Buxoro" — 2,22, "Neftchi" — 1,93. Biroq mezbonlar yaratgan vaziyatlaridan ancha samarali foydalanib, raqib darvozasiga 4 ta gol urdi.

Paslar aniqligi bo‘yicha "Neftchi" ustun bo‘ldi — 79 foizga 64 foiz. Shuningdek, farg‘onaliklar 10 ta kalit pas amalga oshirgan bo‘lsa, "Buxoro"da bu ko‘rsatkich 3 tani tashkil etdi.

Burchak zarbalarida ham "Neftchi" oldinda — 5:3. Qoidabuzarliklar bo‘yicha esa "Buxoro"da 16 ta, "Neftchi"da 11 ta holat qayd etildi. Ofsaydlar soni 0:2 ko‘rinishida bo‘ldi.

Shu tariqa, "Neftchi" to‘p nazorati, paslar va bir qator boshqa ko‘rsatkichlarda ustunlik qilganiga qaramay, "Buxoro" yuqori samaradorlik evaziga 4:1 hisobida g‘alaba qozondi.