Yaponiyalik darvozabon Zion Suzuki rasman Italiyaning «Parma» klubidan Angliyaning «Aston Villa» jamoasiga o‘tdi. Bu haqda Birmingem klubi matbuot xizmati xabar berdi. Bitim tafsilotlari hozircha oshkor qilinmagan.
Avvalroq 23 yoshli golkiper transferi bonuslarni hisobga olgan holda «Aston Villa»ga 35 million yevroga tushishi mumkinligi xabar qilingan edi. Futbolchi yangi klubi bilan 2031 yilga qadar shartnoma imzolashi kutilgan.
Sudzuki 2024 yildan buyon «Parma» sharafini himoya qilib kelayotgan edi. U shu vaqt mobaynida barcha musobaqalarda 59 ta uchrashuvda maydonga tushib, 83 ta gol o‘tkazib yuborgan va 13 ta o‘yinda darvozasi daxlsizligini saqlab qolgan.
«Aston Villa» yangi mavsumdagi ilk rasmiy o‘yinini 23 avgust kuni «Brayton»ga qarshi o‘tkazadi.
