"Chelsi" hujumchisi Nikolas Jekson yana bir klub – "Napoli" e’tiborini tortdi.
"Partenopeylar" Romelu Lukaku bilan xayrlashgach, hujum chizig‘ini kuchaytirish yo‘llarini izlamoqda. Jurnalist Janluka di Marsio bergan ma’lumotga ko‘ra, neapolliklar Jekson borasida "Chelsi"ga allaqachon so‘rov yuborgan. Italyan klubining muammosi esa ilgarigidek saqlanib qolmoqda: yangi futbolchilarni xarid qilishdan oldin kimdir bilan xayrlashish zarur.
"Napoli" uchun jiddiy to‘siq bo‘lishi mumkin bo‘lgan yana bir omil – narx: mavjud ma’lumotlarga ko‘ra, "Chelsi" Nikolas Jekson uchun taxminan 70 million yevro so‘ramoqda. 25 yoshli senegallik futbolchiga "Aston Villa" ham qiziqish bildirmoqda.
