Londonning "Chelsi" klubi "Manchester Siti"ga argentinalik yarim himoyachi Enso Fernandesni 164 million yevroga sotishga tayyor ekanini ma’lum qildi. Bu haqda Topskills Sports UK xabar berdi.
Manba ma’lumotiga ko‘ra, Fernandes hamon "Manchester Siti"ga o‘tish niyatida, biroq transferni amalga oshirish uchun klubdan ketishni o‘zi talab qilmoqchi emas.
"Manchester Siti" esa Fernandesni sotib olish imkoniyatini ko‘rib chiqishdan avval o‘z futbolchilaridan birini sotishni rejalashtirmoqda.
25 yoshli yarim himoyachi o‘tgan mavsum barcha musobaqalar doirasida 54 ta uchrashuvda maydonga tushib, 15 ta gol urdi va 7 ta golli uzatmani amalga oshirdi.
