«Arsenal» «Aston Villa» markaziy himoyachisi Ezri Konsa transferini rasman e’lon qildi. 28 yoshli Angliya terma jamoasi futbolchisi London klubi bilan uzoq muddatli shartnoma imzoladi.

Konsa yangi jamoasida 15-raqam ostida harakat qiladi. Sky Sports ma’lumotiga ko‘ra, «Arsenal» himoyachi transferi uchun «Aston Villa»ga taxminan 55 million funt to‘laydi.

Angliyalik futbolchi 2019 yildan buyon «Aston Villa» sharafini himoya qilib kelayotgandi. U Birmingem klubiga «Brentford»dan kelib qo‘shilgan va jamoa safida 200 dan ortiq uchrashuv o‘tkazdi.

Konsa 2023 yildan Angliya milliy terma jamoasiga jalb etib kelinadi. U markaziy himoyadan tashqari, o‘ng qanot himoyachisi sifatida ham harakat qila oladi.

«Arsenal»ning yangi futbolchisi haqidagi rasmiy ma’lumot bilan klub saytida tanishish mumkin.