"Manchester Siti" "Palmeyras"ning 22 yoshli vingeri Allan Elias bilan shaxsiy shartnoma shartlari bo‘yicha kelishuvga erishdi. Insayder Nikolo Skira ma’lumotiga ko‘ra, tomonlar 2031 yilgacha mo‘ljallangan shartnoma borasida kelishib olgan.

Endi "shaharliklar" transfer summasi bo‘yicha "Palmeyras" bilan muzokaralarni davom ettirmoqda. Braziliya matbuotiga ko‘ra, "Manchester Siti" 35 million yevro atrofida taklif bildirgan, "Palmeyras" esa bonuslar bilan birga 38 million yevro olishni istamoqda.

Allan 2026 yilda barcha musobaqalarda 41 ta uchrashuv o‘tkazib, 6 ta gol urdi va 5 ta golli uzatma berdi.

Manbada keltirilishicha, Transfermarkt portali futbolchining bozor qiymatini 20 million yevroga baholamoqda.