«Chelsi» futbolchisi Koul Palmer yaqin do‘sti Morgan Rojers bilan bir jamoada to‘p tepayotgani haqida fikr bildirdi.
Har ikki angliyalik futbolchi APL 1-turida «Fulxem» ustidan qozonilgan 3:2 hisobidagi g‘alabada bittadan gol urdi. Palmer, shuningdek, Joau Pedroning goliga assistentlik qildi.
«Ulg‘ayganing sari eng yaqin do‘stlaring bilan imkon qadar ko‘proq vaqt o‘tkazishni xohlaysan. Morgan bilan shunday darajada bir jamoada o‘ynash — bu shunchaki aql bovar qilmas holat», — dedi Palmer.
Morgan Rojers o‘tgan oyda «Aston Villa»dan 138 million yevro evaziga «Chelsi»ga o‘tdi. Koul Palmer esa 2023 yildan buyon London klubi sharafini himoya qilib kelmoqda. Har ikki hujumkor yarim himoyachi ham professional faoliyatini «Manchester Siti»da boshlagan.
