«Al-Hilol» «Arsenal» hujumchisi Gabriel Martinelli transferi bo‘yicha London klubi bilan kelishuvga yaqinlashmoqda.

CBS Sports ma’lumotiga ko‘ra, «Arsenal» saudiyaliklar taklif qilayotgan summadan 8 million yevro ko‘proq mablag‘ talab qilmoqda. Shuningdek, «kanonirlar» kelishuvga futbolchining kelajakdagi transferidan ma’lum foiz olish imkonini beruvchi bandni kiritishni ham ko‘rib chiqmoqda.

Qayd etilishicha, «Al-Hilol» braziliyalik futbolchiga yiliga qariyb 20 million yevro maosh va qo‘shimcha bonuslar taklif qilishga tayyor. Bu Martinellining «Arsenal»da olayotgan hozirgi maoshidan deyarli ikki baravar ko‘p.

O‘tgan yozda vositachilar Martinellini «An-Nasr»ga taklif qilishgan edi. O‘sha paytda «Arsenal» futbolchisini 85 million yevrodan yuqori baholagandi. Biroq braziliyalik futbolchining o‘zi Saudiya Arabistoni klubiga o‘tishni rad etgan.