«Atletiko» yarim himoyachisi Morten Yulmand La Liganing 2-turidan o‘rin olgan «Vilyarreal»ga qarshi o‘yindan (2:2) so‘ng taassurotlari bilan o‘rtoqlashdi. Daniyalik futbolchi mazkur bahsda madridliklar safida ilk bor to‘liq 90 daqiqa harakat qildi.

«Bu yerda ekanimdan, shu stadionda va shunday saviyadagi futbolchilar bilan birga o‘ynayotganimdan juda faxrlanaman. «Malaga»ga qarshi debyutimdan ham, bugun «Vilyarreal»ga qarshi 90 daqiqa o‘ynaganimdan ham juda xursandman.

Ammo penaltiga sabab bo‘lganimdan va natijadan qoniqmadim», — dedi Yulmand klub matbuot xizmatiga.

«Vilyarreal»ga qarshi uchrashuvda Yulmandning qoidabuzarligidan so‘ng raqib penalti tepish huquqini qo‘lga kiritdi va Jerar Moreno hisobni tenglashtirdi. Uchrashuv yakunda 2:2 hisobida yakunlandi.