«Chelsi» hujumchisi Mark Giu faoliyatini «Leypsig»da davom ettiradi. Bu haqda Sky Sport jurnalisti Filipp Xins xabar berdi.

Manba ma’lumotiga ko‘ra, Germaniya klubi 20 yoshli ispaniyalik futbolchi uchun bonuslar bilan birga 20 million yevrodan kamroq mablag‘ to‘laydi.

Giu yaqin vaqt ichida tibbiy ko‘rikdan o‘tadi va «Leypsig» bilan 2031 yilgacha mo‘ljallangan shartnoma imzolaydi.

Mark Giu 2024 yil yozida «Barselona»dan «Chelsi»ga o‘tgan edi. U London klubi safida jami 29 ta uchrashuvda maydonga tushib, 8 ta gol urdi va 2 ta golli uzatmani amalga oshirdi.