Londonning "Chelsi" klubi "Bornmut" yarim himoyachisi Aleks Skott transferi uchun jiddiy kurashga qo‘shildi.

Hooligan Soccer ma’lumotiga ko‘ra, "Chelsi" 21 yoshli futbolchi uchun "Bornmut"ga 73,4 million yevro taklif qilgan, ammo bu taklif rad etilgan. "Giloslar" o‘z futbolchisini 91,5 million yevroga baholamoqda.

Ayni paytda "Chelsi" "Bornmut" talabiga yaqinlashadigan yaxshilangan taklif tayyorlayotgani aytilmoqda.

Shu bilan birga, Aleks Skott atrofidagi vaziyatni "Liverpul", "Arsenal" va "Manchester Siti" ham kuzatib bormoqda. Manbaga ko‘ra, "shaharliklar" Enso Fernandes transferi bo‘yicha "Chelsi" bilan kelisha olmasa, Skottni muqobil variant sifatida ko‘rib chiqishi mumkin.

Angliya Premyer-ligasining 1-turida Aleks Skott 90 daqiqa maydonda harakat qildi, ammo gol yoki golli uzatma qayd etmadi.