Marokashlik yarim himoyachi Sofyan Amrabat faoliyatini Niderlandiya chempionatida davom ettiradi. 30 yoshli futbolchining yangi klubi Amsterdamning «Ayaks» jamoasi bo‘ldi.

Klub matbuot xizmati ma’lum qilishicha, Amrabat «Ayaks» safiga erkin agent maqomida qo‘shilgan. Tomonlar 2028 yil o‘rtalariga qadar mo‘ljallangan shartnoma imzolagan.

Futbolchining avvalgi klubi Turkiyaning «Fenerbaxche» jamoasi edi. Amrabat faoliyati davomida «Fiorentina», «Bryugge», «Feyenoord», «Utrext», «Verona», «Betis» va «Manchester Yunayted» klublari sharafini ham himoya qilgan.

Sofyan Amrabat Marokash terma jamoasi safida 63 ta uchrashuv o‘tkazgan.